Қашқадарёда қотиллик ва босқинчилик жиноятларини содир этиб қочиб юрган шахс Россияда ушланди

Қашқадарё вилоятида қотиллик, босқинчилик жиноятларини содир этиб қочиб юрган шахс Россияда ушланган. Бу ҳақда вилоят ИИБ ахборот хизмати хабар бермоқда.

Маълум қилинишича, Касби тумани “Муғлон” МФЙда рўйхатда турувчи Ҳ. Ҳ. Жиноят кодексининг 97-моддаси 2-қисми “ж”, “и”, “о”, “п” бандлари ва 164- моддаси 3-қисми “в” бандида кўрсатилган жиноятларни содир этгани учун унга нисбатан Қарши шаҳар прокуратураси томонидан қидирув эълон қилинган.

ИИВ ЖҚББ ва вилоят ИИБ ЖҚБ ходимлари томонидан олиб борилган ҳамкорлик натижасида Ҳ.Ҳ. Россия Федерацияси Оренбург вилояти Бугруслан шаҳридан ушланган.

Қайд этилишича, жиноят содир этган шахс энди қонун олдида жавоб бермоқда.