Ўзбекистон фуқароларини Германияга ишга жалб қилиш бўйича шартнома имзоланди

Бандлик ва меҳнат муносабатлари вазири Нозим Ҳусанов Германиянинг «OPASCA GmbH» компанияси вакиллари билан видеоконференция шаклида музокаралар ўтказди, деб хабар бермоқда «Дунё».

Фото: Dunyo

Онлайн-тадбирда Ўзбекистонда хорижда ишлаш истагида бўлган фуқаролар учун яратилган имконият ва имтиёзлар, хусусан, касб ва чет тилларига ўқитиш, хорижда ҳуқуқ ва манфаатларини ҳимоя қилиш борасида амалга оширилган ишлар ҳақида маълумот берилди. Ўзбекистонликларни Германияда ишга жалб қилиш масалалари муҳокама қилинди.

Мулоқот чоғида Бандлик ва меҳнат муносабатлари ва Соғлиқни сақлаш вазирликлари ҳамда «OPASCA GmbH» компанияси ўртасида Ўзбекистон фуқароларини Германияга ташкиллаштирилган тарзда ишга жалб қилиш бўйича шартнома имзоланди.

Мазкур шартнома доирасида фуқароларни тиббиёт соҳасининг ҳамширалик йўналиши бўйича ишга юбориш кўзда тутилмоқда.