Бугун, 27 январь куни эрталаб соат 9:00 дан бошлаб шаҳарлараро йўналишлар бўйлаб, шунингдек, аксарият ҳудудларда автомобилларга газ тўлдириш шохобчалари ишлай бошлайди.
Фото: Kun.uz
Энергетика вазирлиги хабарига кўра, айни дамда Тошкент, Фарғона, Андижон ва Наманган вилоятлари бундан мустасно бўлиб, ушбу ҳудудларда газ таъминотининг иш режимини тиклаш ишлари олиб борилмоқда.
“Эртага эрталабдан бошлаб республикамиздаги барча газ тўлдириш шохобчалари иш фаолиятини тиклаш режалаштирилмоқда”, дейилади вазирлик маълумотида.
Аввалроқ, Ўзбекистонда газ заправкалар фаолияти вақтинчалик тўхтатилганди.
Шу билан биргаликда, бошқа ижтимоий аҳамиятга эга бўлмаган юридик истеъмолчиларга ҳам табиий газ етказиб бериш вақтинча тўхтатилиши айтилганди.
