Қашқадарё вилоятида фуқарони  ўқишга киритиш учун 700 доллар олган шахсга жиноят иши қўзғатилди

Бош прокуратура ҳузуридаги департаментнинг Косон тумани бўлими томонидан ўтказилган терговга қадар текширувда, фуқаро Ф.Р. фуқаро Ш.нинг ишончига кириб, уни танишлари ёрдамида Муборак тиббиёт коллежига ўқишга киритиб қўйиши эвазига 700 доллар олгани аниқланган, Текширув давомида Ф.Р. 700 долларни қайтаргани процессуал тартибда расмийлаштирилган.

Қайд этилишича, мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.