Европанинг парвозлар сони бўйича энг йирик аэропорти маълум қилинди

Европа ҳаво хавфсизлиги ташкилоти парвозлар сони бўйича Европадаги энг йирик аэропортлар рейтингини эълон қилди, деб хабар берди Avianews.

Унга кўра, Истанбул аэропорти кунига 893та рейс билан рейтинг етакчиси бўлди.

Иккинчи ўринга кунига 826та рейс билан Амстердамдаги Схипхол аэропорти  жойлашди.

Кунига 778та учиш-қўниш амалга ошириладиган Мадриддаги Барахас аэропорти рўйхатда учинчи бўлди.

Юқори ўнталикка шунингдек, Франкфурт, Шарл-Де-Голл (Париж), Хитроу (Лондон), Сабиха Гекчен (Истанбул), Мюнхен, Барселона ва Лиссабон аэропортлари кирди.

Рейтинг 30 январдан 5 февралгача кунига ўртача амалга ошириладиган рейслар сони асосида тузилган.

Аввалроқ Истанбул аэропорти 2021 йил якунлари бўйича Европанинг энг зич аэропорти деб топилганди. Аэропорт қарийб 40 миллион нафар йўловчига хизмат кўрсатган.