Самарқандда товламачилик йўли билан фуқаролардан пул талаб қилган шахс ушланди

Андижон шаҳрида яшовчи шахс опа-сингиллардан 300 минг Россия рубли талаб қилиб, 3 минг доллар олаётганда қўлга олинган.

Фото: Самарқанд вилоят ИИБ ахборот хизмати

Самарқанд вилоят ИИБ ахборот хизматининг хабар беришича, вилоят ИИБга фуқаро Ш.Д. ариза билан мурожаат қилган. У аризасида опасининг таниши бўлган, Андижон шаҳрида яшовчи, 1995 йилда туғилган Б.Ш., Ш.Д. ва унинг опасининг ожизлигидан фойдаланиб, шунингдек, ҳозирда 1-гуруҳ ногирони бўлган укасини қўрқитиб, улардан 300 минг Россия рублини талаб қилганини билдирган.

Аризага асосан, 2022 йил 13 феврал ИИВ ЖҚББ, ДХХ, Прокуратура ҳамда вилоят ИИБ ЖҚБ уюшган жиноятчиликка қарши кураш бўлими ходимлари ҳамкорлигида тезкор тадбир ўтказилган. Тадбирда Б.Ш. ариза муаллифидан 3 минг доллар олаётган вақтида далилий ашёлар билан ушланган.

Қайд этилишича, ҳолат юзасидан Б.Ш.га нисбатан Жиноят кодексининг 165-моддаси билан жиноят иши қўзғатилиб, тергов ҳаракатлари олиб борилмоқда.

Тайёрлаган: Ғайрат Йўлдошев

#товламачилик #Самарқанд вилояти