Uzbekistan Airways Ростов ва Краснодарга парвозлар бекор қилинганини маълум қилди.
Россиянинг Ростов-Дон (Платов) ва Краснодар шаҳарлари халқаро аэропортлари фаолияти вақтинча тўхтатилгани муносабати билан, авиакомпания бир қатор мунтазам қатновлар бекор қилинганини билдирди.
Улар:
- HY-9647/9648 Тошкент-Ростов-Дон-Тошкент йўналишида – 25, 27 февраль ва 2 март кунлари;
- HY-9687/9688 Тошкент-Краснодар-Тошкент йўналишида – 27 февраль ва 1 март кунлари;
- HY-3687/3688 Тошкент-Краснодар-Тошкент йўналишида – 2 март куни.
Бекор бўлган парвозлар йўловчилари авиачипталар тўлиқ қийматини чипта сотиб олинган жойда қайтариб олиши ёки парвозлар қайта тикланганидан кейин бошқа санага бепул қайта бронлаш ҳуқуқига эга.