Эрон дрон ва ракеталар жойлаштирилган ерости базасини намойиш этди

Маълумот берилишича, ҳарбий базадан бир вақтнинг ўзида 60та дрон ҳавога кўтарилиши мумкин.

Фото: AP

Эрон ракеталар ва зарба берувчи дронлар жойлаштирилган ерости базасини намойиш этди, деб хабар берди Press TV.

Ислом инқилоби қўриқчилари корпуси ҳарбий-космик кучлари қўмондони Амир Али Ҳожизоданинг сўзларига кўра, янги ҳарбий базадан бир вақтнинг ўзида 60та дрон ҳавога кўтарилиши мумкин.

Қайд этилишича, Эрон дронлари душманнинг ҳаво ҳужумидан мудофаа тизимини яксон қила олади. Дронларнинг парвоз масофаси 2 минг километрни ташкил этади.

Базада шунингдек, «ер-ер» синфидаги ракеталар жойлашган.

Эрон ўтган йил ноябрда Arash камикадзе-дронини намойиш этганди.