Навоийда фуқародан маълумотларини интернетда тарқатмаслик эвазига пул талаб қилган журналист қўлга олинди

У фуқародан хизматга оид маълумотларини интернетда тарқатмаслик учун 1 500 АҚШ доллари талаб қилган.

Фото: Навоий вилояти ИИБ

Навоий вилояти ИИБ ахборот хизматининг хабар беришича, 2022 йил 9 март куни фуқаро Н.Н. вилоят ИИБ бошлиғи номига ариза билан мурожаат қилган. У мурожаатида Д.Б. хизматга оид маълумотларини интернетда тарқатиш билан таҳдид қилиб, 4 март куни 3 млн сўм олганини, ҳозирда яна 1 500 АҚШ доллари талаб қилиб келаётганини билдирган.

Вилоят ИИБ ходимлари томонидан 9 март куни тезкор тадбир ўтказилган. Тадбир давомида соат 23:36да Навоий шаҳридаги кафеларнинг бирида Д.Б. фуқаро Н.Н.дан талаб қилинган 1 500 АҚШ долларини олган вақтида ушланган.

Ҳолат юзасидан вилоят ИИБ томонидан Д.Б.га нисбатан Жиноят кодексининг 165-моддаси 1-қисми билан жиноят иши қўзғатилиб, тергов ҳаракатлари олиб борилмоқда. Ҳозирда у ЖПК талаблари асосида ушланган.

Қашқадарёда таниш аёлникига борган фуқарони видеога олиб, уни интернетда тарқатиш билан қўрқитиб пул олган блогерга ҳукм ўқилди