Андижонда бензин қуйиш шохобчасида ёнғин юз берди

Фото: Видеодан кадр

Андижон шаҳри, Пирмуҳаммедов кўчасида жойлашган бензин қуйиш шохобчасида ёнғин юз берди. Бу ҳақда вилоят ҳокимлиги ахборот хизмати Kun.uz га маълум қилди.

Қайд этилишича, бензинни махсус идишга қуйиш жараёнида чақнаш юз берган ва ерга тўкилган бензин орқали ёнғин юз берган.

Ҳозирда ўт ўчирувчилар ёнғинни тўлиқ бартараф этишди. Бинолар ёнғиндан зарар кўрмаган. Бензин қуйиш шохобчасининг 1 нафар ходими куйиш жароҳати билан шифохонага ётқизилган.

Ёнғин оқибатлари ва келиб чиқиш сабаблари аниқланмоқда.