Ўзбекистон 25та рейс орқали Украинадан 5634 нафар фуқаросини эвакуация қилди

Полша орқали яна 254 нафар ватандош Ўзбекистонга қайтарилди.

Фото: KUN.UZ

11 март куни Украинадан Полшанинг Катовице аэропорти орқали 254 нафар Ўзбекистон фуқароси олиб келинди. Ташқи ишлар вазирлиги расмий вакилининг маълум қилишича, олиб келинганлардан 69 нафари аёл, 37 нафари вояга етмаган шахс ва 14 нафари чақалоқ.

“28 февралдан 11 мартга қадар 25 та авиарейс ташкиллаштирилди ҳамда ҳарбий ҳаракатлар кечаётган ҳудудлардан 5 634 нафар ватандошимиз қайтарилди”, – дейилади хабарда.

Украинадан Молдова ҳудудига қочиб ўтган 98 нафар ўзбекистонлик 10 март куни Руминия орқали ватанга қайтарилган эди.

“Харковда аҳвол жуда оғир...” — Украинадаги урушнинг ўзбекистонлик гувоҳи