Саудия Арабистони Хитой билан нефт савдосини юанда олиб бориш бўйича музокара ўтказмоқда - ОАВ

Қайд этилишича, бу масала бир неча йилдан буён муҳокама қилиб келинган, бу йил эса муҳокама фаол тус олган.

Фото: Getty Images

Саудия Арабистони Хитойга нефтни юанда сотмоқчи, деб хабар берди Wall Street Journal ўз манбаларига таяниб.

"Саудия Арабистони Пекин билан ўз нефтини Хитойга қисман юанда сотиш бўйича фаол музокара олиб бормоқда", — дейилади хабарда.

Қайд этилишича, бу масала бир неча йилдан буён муҳокама қилиб келинган, аммо бу йил Ар-Риёд Вашингтоннинг хавфсизлик соҳасидаги мажбуриятларидан норози бўлгани сабабли муҳокама фаол тус олган.

Аввалроқ Ҳиндистон ва Россия ўзаро ҳисоб-китобларни доллар ва еврода эмас, рубл ва рупияда олиб бориш имкониятини ўрганаётгани хабар қилинганди.