Uzbekistan Airways икки йиллик танаффусдан сўнг Парижга авиақатновларни тиклайди

Uzbekistan Airways АЖ икки йилдан сўнг Тошкент – Париж – Тошкент йўналиши бўйича мунтазам авиақатновларни тикланаётгани ҳақида маълум қилди.

Фото: Kun.uz

Қайд этилишича, ушбу шаҳарга парвозлар 2022 йил 29 апрелдан бошлаб 10 июнгача, шунингдек 26 августдан 28 октябргача ҳафтада икки марта – сешанба ва жума кунлари амалга оширилади.

Чипталарни авиакомпаниянинг расмий сайтида 3 фоиз чегирма билан, Uzbekistan Airways Sales филиалидан ёки авиакомпания агентларидан харид қилиш мумкин бўлади.

Бундан олдин Uzbekistan Airways Тошкент – Деҳли – Тошкент халқаро йўналиши бўйича қатновлар сони оширилаётгани ҳақида хабар берганди.