Россия қитъалараро баллистик ракетасини синовдан ўтказди
Синовлар якунланганидан сўнг «Сармат» стратегик аҳамиятга эга ракета қўшинларига топширилади.
Архангелск областидаги Плесецк синов космодромида «Сармат» қитъалараро баллистик ракетаси синовдан ўтказилди. Бу ҳақда Россия мудофаа вазирлиги хабар берди.
«Парвоз вазифалари тўлиқ ҳажмда бажарилди. Ракетанинг характеристикалари парвознинг барча босқичларида тасдиқланди», — дейилади хабарда.
Қайд этилишича, бу давлат синовлари дастуридан ўрин олган илк парвоздир. Синовлар якунланганидан сўнг «Сармат» стратегик аҳамиятга эга ракета қўшинларига топширилади.
Очиқ маълумотларга кўра, ракетанинг узунлиги 35,5 метрни, оғирлиги 208,1 тоннани ташкил этади. Парвоз масофаси 18 минг километрга тенг.
Мавзуга оид
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024
Россияда ўзбек диаспораси етакчиси ноқонуний миграцияни ташкил этишда гумон қилинмоқда
09:00 / 04.10.2024
«Газпром» Россияда энг зарар кўрган компаниялар рўйхатини бошқаряпти
23:19 / 03.10.2024