Март ойида энг кўп қайси автомобил ишлаб чиқарилгани маълум қилинди

Март ойида энг кўп “Cobalt” автомобили ишлаб чиқарилган. Бу ҳақда Давлат статистика қўмитаси маълум қилди.

Фото: UzAuto Motors

Қўмита хабарига кўра, автомобил ишлаб чиқариш саноатида 2022 йилнинг март ойида ишлаб чиқарилган енгил автомобиллар сони бўйича “Cobalt” етакчилик қилмоқда - 8 405 дона.

Ушбу кўрсаткич қолган автомобиллар кесимида қуйидагича кўринишга эга:

“Damas” - 8 046 дона;
“Lacetti-Gentra” - 7 099 дона;
“Nexia T-250” - 3 670 дона;
“Spark” - 1 604 дона.

Бундан олдин Ўзбекистон аҳолисида қайси русумдаги автомобиллар сони энг кўплиги маълум бўлганди.

2022 йилнинг 1 январь ҳолатига Ўзбекистонда жисмоний шахсларга тегишли бўлган энг оммалашган енгил автомобиллар сони бўйича “Nexia” етакчилик қилмоқда - 687 164 дона.