Мамлакат фуқароларида қайси русумдаги автомобиллар сони кўп экани ҳақида маълумот берилди. Давлат статистика қўмитаси тегишли хабар билан чиқди.
Фото: UzAuto Motors
Қўмита маълумотларига кўра, 2022 йилнинг 1 январь ҳолатига Ўзбекистонда жисмоний шахсларга тегишли бўлган энг оммалашган енгил автомобиллар сони бўйича “Nexia” етакчилик қилмоқда - 687 164 дона.
Ушбу кўрсаткич қолган автомобиллар кесимида қуйидагича кўринишга эга:
- “Damas” - 478 270 дона;
- “Lacetti” - 334 334 дона;
- “Cobalt” - 331 728 дона;
- “Matiz” - 296 442 дона;
- “Spark” - 281 811 дона.
Бундан олдин Ўзбекистонга энг кўп енгил автомобил Хитойдан олиб келингани хабар берилганди.
2022 йилнинг январь-февраль ойларида Ўзбекистон енгил автомобилларни энг кўп импорт қилган давлатлар орасида Хитой етакчилик қилмоқда – 3 436 та автомобил.
