Мариуполдан омон чиққанлар, Харковда тўхтамаётган ёнғинлар. Уруш суратлари

Урушнинг 57-кунида Владимир Путин мудофаа вазири Сергей Шойгу билан учрашувда кутилмаганда «Азовстал» заводи қамалини бекор қилди — бу ерда украин армиясининг шаҳардаги сўнгги қисмлари мудофааланмоқда. Мариупол расмийлари Мангуш қишлоғида шаҳарнинг «минглаб» аҳолиси оммавий қабрларга кўмилган бўлиши мумкинлигини айтди. Жаҳон банкига кўра, Украинадаги бинолар ва инфратузилмаларга етказилган зарар миқдори 60 миллиард долларни ташкил этади.

«Азовстал» заводи кўриниши. Фото: Анатолий Жданов / Коммерсантъ

Украинадаги вазият. Сўнгги маълумотлар

Украина бош штабининг эрталабки маълумотларида россияликлар Донбассдаги Украина қуролли кучларига ҳужум қилиш учун Изюмдан жанубга томон силжишга уринаётгани айтилган.
Украина ҳукуматининг тасдиқлашича, россиялик ҳарбийлар Мариуполда ҳалок бўлган тинч аҳоли вакилларини оммавий қабрга кўмиш учун шаҳардан 20 км ғарбда жойлашган Мангуш қишлоғига олиб кетмоқда. Сунъий йўлдошдан олинган тасвирларда бу қишлоқда узун хандақ қазилганини кўриш мумкин.
Америка давлатлари ташкилоти Украинага ҳужум учун Россияни доимий кузатувчи мақомидан маҳрум этди.
Украина бош вазири Денис Шмигал мамлакатни тиклаш учун камида 600 млрд доллар талаб этилиши, ҳозир ва яқин ярим йилликда эса ойига 4-5 млрд доллар миқдорида ёрдам кераклигини айтди.
«Азов» қўмондони ўринбосари Святослав Паламар BBC учун интервьюсида украин жангчилари қуршовдаги «Азовстал»дан фақат қурол билан чиқиши мумкинлиги, у ердаги юзлаб тинч аҳоли вакиллари эвакуацияси учун учинчи давлат воситачилиги ва кафолати кераклигини айтган.

Қуйида 21 апрел куни Украинада олинган асосий суратлар.

Мариуполь