Тошкентда кредит қарздорлигини ёпиш мақсадида сохта тадбиркорлик билан шуғулланган фуқаролар аниқланди

Бош прокуратура ҳузуридаги департаментнинг Шайхонтоҳур туман бўлими томонидан терговга қадар текширув ўтказилган.

Унда, “Z.G.” МЧЖ норасмий раҳбари А.Т. ва “A.P.” МЧЖ раҳбари А. ўзаро тил бириктириб, “A.P.” МЧЖнинг кредит қарздорлигини ёпиш учун “N.P.” МЧЖни ташкил қилиб, банк филиалидан “Z.G.” МЧЖга тегишли Зангиота туманидаги бино-иншоотларни банк кредити асосида сотиб олиш учун ажратилган 1,5 млрд сўмнинг 1 млрд сўмини “A.P.” МЧЖнинг қарздорлигини қоплашга йўналтириб, қолган 500 млн сўмини шахсий эҳтиёжларига сарфлаб юборгани аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 179-моддаси (сохта тадбиркорлик) билан жиноят иши қўзғатилган.

Хабарда айтилишича, ҳозирги вақтда тергов ҳаракатлари ўтказилмоқда.

Бундан олдин Қибрайда банк ходими билан тил бириктирган фуқаро 1 млрд сўм кредит маблағини талон-торож қилгани хабар берилганди.