АҚШ Тайван мустақиллигини қўллаб-қувватламайди, аммо оролга нисбатан бир томонлама ҳаракатларга қарши чиқади. Бу ҳақда АҚШ давлат котиби Энтони Блинкен маълум қилди.
Фото: AP
"Биз Тайван мустақиллигини қўллаб-қувватламаймиз. Ва Тайван бўғози соҳиллари орасидаги қарама-қаршиликлар тинч йўл билан ҳал қилинишини кутамиз", - деди у.
Блинкеннинг сўзларига кўра, Вашингтон Тайван масаласида "ҳар қандай бир томонлама ўзгаришларга қарши".
Шу билан бирга, Блинкен Хитой Тайванга нисбатан борган сари провокацион тарзда ҳаракат қилаётганини таъкидлади.
Аввалроқ АҚШ президенти Жо Байден Хитой ҳужум қилган тақдирда Тайванни ҳарбий йўл билан ҳимоя қилишга ваъда берганди.
