Россияда гуруч экспорт қилиш тақиқланиши мумкин

Қишлоқ хўжалик вазирлиги 2022 йил 1 июлдан 31 декабргача гуруч экспортига чеклов киритишни таклиф қилмоқда.

Фото: РИА Новости

Россия қишлоқ хўжалиги вазирлиги гуруч экспортини вақтинча тақиқлаш таклифи билан чиқди.

Вазирлик бу борада тегишли қарор лойиҳасини тайёрлади.

Чекловни 2022 йил 1 июлдан 31 декабргача киритиш таклиф қилинмоқда.

Аввалроқ Россия бош вазири Михаил Мишустин ички бозордаги барқарорликни таъминлаш мақсадида 30 июнгача ЕОИИ мамлакатларига ғалла экспорт қилишни тақиқлаш тўғрисидаги қарорни имзолаганди.

Бундан ташқари, 31 августгача Россиядан учинчи мамлакатларга шакар ва шакарқамиш хомашёсини экспорт қилиш тақиқланган.