Ўзбекистон яна бир давлат билан дипломатик муносабатлар ўрнатди
Нью-Йоркда Ўзбекистон билан Антигуа ва Барбуда ўртасида дипломатик муносабатлар ўрнатиш тўғрисида қўшма коммюнике имзоланди.
Ҳужжатни икки давлат ҳукуматлари номидан Ўзбекистоннинг БМТдаги доимий вакили Бахтиёр Иброҳимов ва Антигуа ва Барбуданинг БМТдаги доимий вакили Уолтон Алфонсо Вебсон имзолади.
Антигуа ва Барбуда Ўзбекистон билан дипломатик алоқалар ўрнатган 141-давлат бўлди. У Кариб денгизининг ғарбий қисмида жойлашган, Британия ҳамдўстлиги, шунингдек, Америка давлатлари ташкилотига аъзо.
Томонлар халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни мустаҳкамлашдан манфаатдор эканликларини тасдиқладилар. Ҳамкорликнинг ўзаро манфаатли йўналишларини излаш учун икки томонлама алоқаларни давом эттириш бўйича келишувга эришилди.
Маълумот учун, 2022 йил 10 май куни Ўзбекистон Сент-Винсент ва Гренадин ороллари билан дипломатик муносабатлар ўрнатган.
Мавзуга оид
11:30
Ўзбекистон ва Кабо-Верде ўртасида дипломатик муносабатлар ўрнатилди
22:01 / 14.06.2024
Собиқ дипломат Қодиржон Юсупов жазо муддатини ўтаб, озодликка чиқди
21:53 / 15.04.2024
Исроилга ҳужумлар туфайли бир қанча давлат ташқи ишлар вазирлиги Эрон элчиларини чақирди
18:53 / 12.04.2024