Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:33 / 29.07.2022
    21114
    4 дақиқада ўқилади

    Бахмут зарба остида — шаҳар бир кунда тўрт бор ўққа тутилди. Уруш суратлари

    28 июл куни Россия Бахмут шаҳрига тўрт бор ракета зарбалари йўллади — уч киши ҳалок бўлиб, уч киши яралангани, турар жой бинолари вайрон бўлгани хабар қилинган. Америкадаги Урушларни тадқиқ қилиш институтига кўра, россиялик ҳарбийлар ушбу шаҳарни эгаллаш учун юриш бошлаган. Украина Бош штаби ҳам 29 июл тонгида, урушнинг 156-кунида берган ҳисоботида россиялик ҳарбийлар Бахмут ва Донецк томон юриш қилаётгани айтилган. Бу ҳужумлар ҳозирча қайтарилмоқда. Бу вақтда Киев ва Миколайив областларига зарбалар давом этмоқда. Украина томони ҳам россияликларнинг фронт ортидаги омборларига зарбалар йўлламоқда: Донецк яқинидаги Иловайск шаҳри ҳамда Херсон областидаги Брилёвка станциясида портлашлар рўй берган.

    Қуйида 28 июл куни Украинанинг турли ҳудудларида олинган суратлар.

    Киев

    Орқа фонда — россиялик ҳарбийларнинг ракета зарбасидан кўтарилган тутун. Киев областининг Вишгородский районига зарба берилди. Област полицияси раҳбари Ондрий Небитовнинг сўзларига кўра, «инфратузилма объекти» ўққа тутилган. Камида 15 киши жароҳатланган.
    David Goldman / AP / Scanpix / LETA

     Миколайив

    Миколайивлик киши россиялик ҳарбийларнинг ракета зарбасидан шикастланган мактаб биноси яқинида. Ҳужум оқибатида шаҳардаги омборхона вайрон бўлган, қўриқчи яраланган. Фото: Mykola Tymchenko / Reuters / Scanpix / LETA

    Донбасс шимоли

    Бахмутлик киши кўчада овқат пиширмоқда. У электр ва газ бўлмаса-да, ўз шаҳрида қолишга қарор қилган, лекин ўз уйи ертўласига кўчиб ўтган.
    Bulent Kiliс / AFP / Scanpix / LETA
    Бахмутлик аёл синган дераза ромини кўтариб кетмоқда — Россия ракетаси унинг уйи олдига тушган. 28 июл куни Россия ҳарбийлари шаҳарни бир кунда тўрт марта ўққа тутди. Уч киши ҳалок бўлгани ва уч киши яралангани айтилмоқда. Шунингдек, олтита кўп қаватли уй ва олтита хусусий уй шикастланган.
    Bulent Kiliс / AFP / Scanpix / LETA
    Россияликлар зарбалари оқибатида ҳалок бўлган тинч аҳоли вакили. Америкадаги Урушларни тадқиқ қилиш институти (ISW) ёзишича, шарқий йўналишда Россия қўшинлари Северскни эгаллашга бўлган уринишларнинг интенсивлигини камайтириб, Бахмутга ҳужум учун жамланган бўлиши мумкин.
    Diego Herrera Carcedo​ / Anadolu Agency / ABACAPRESS / ddp images / Vida Press
    Бахмутда ҳалок бўлган тинч аҳоли вакили
    Diego Herrera Carcedo​ / Anadolu Agency / ABACAPRESS / ddp images / Vida Press
    Ўт ўчирувчилар ўққа тутилган уйдаги ёнғинни ўчирмоқда. 28 июл куни Россия мудофаа вазирлиги хабарида айтилишича, ракета ҳужумининг нишони 72-механизациялашган бригада батальони вақтинча жойлаштирилган нуқта бўлган. Россия расмийларига кўра, шахсий таркибда 70 нафарга яқин одам ҳалок бўлган, камида бешта зирҳли техника йўқ қилинган. Россия мудофаа вазирлиги қурбонлар орасида қанча тинч аҳоли борлиги ҳақида маълумот бермади.
    Diego Herrera Carcedo​ / Anadolu Agency / ABACAPRESS / ddp images / Vida Press
    Украина фавқулодда вазиятлар бўйича давлат хизмати ходими Бахмутга ташланган бомбалар қолдиқларини кўздан кечирмоқда.
    Diego Herrera Carcedo​ / Anadolu Agency / ABACAPRESS / ddp images / Vida Press

     

    Азиз Қаршиев
    Муаллиф Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.
    Kun.uz янгиликларини Google News'да кузатинг
    + Обуна бўлиш

    Мавзуга оид

    08:19 / 02.04.2026

    Трамп Киевга ёрдамни тўхтатиш билан таҳдид қилди

    20:56 / 31.03.2026

    Россия Украинага Донбассдан қўшинларини олиб чиқиш учун икки ой муҳлат берди – Зеленский

    22:42 / 28.03.2026

    Эрон Дубайдаги “Украина омбори”га зарба берганини маълум қилди

    10:18 / 28.03.2026

    Украинада уруш учун пул июнгача қолган