Қозоғистонда ЙТҲ оқибатида Ўзбекистон фуқароси ҳалок бўлди

Йўл-транспорт ҳодисаси 6 август куни Ақтўбе – Астрахан трассасида содир бўлган.

Diapazon нашрининг ёзишича, Lada Largus русумли автомашинанинг 42 ёшли ҳайдовчиси Ақтўбе - Астрахан автомобиль йўлининг 284-километрида йўл ишлари олиб борилаётган йўл қисмига чиқиб кетиб, четга бориб урилган ва ағдарилиб кетган.

Йўл-транспорт ҳодисаси оқибатида икки нафар йўловчи, Ўзбекистон Республикаси фуқаролари Байганин тумани марказий шифохонасига ётқизилган.

Улардан бири ҳушига келмай, шифохонада вафот этган.