Қрим аэродромида яксон бўлган самолётлар, Харкивга тонготарда келган ракета. Уруш суратлари

Украинада урушнинг 169-куни ўтди. Сўнгги маълумотлар:

• 11 августга ўтар кечаси Краматорск, Никопол ва Харкив яна россияликлар томонидан ўққа тутилган. Никополда уч киши ҳалок бўлган, тўққиз киши яраланган.
• Американинг Planet Labs компанияси Қримдаги Саки аэродромининг сунъий йўлдош орқали олинган тасвирларини эълон қилди, фотосуратларда йўқ қилинган самолётлар қолдиқлари акс этган. Россия техникага шикаст етмаганини маълум қилганди.
• Латвия Россияни терроризмни қўлловчи давлат сифатида тан олди. Эстония ўзи томонидан берилган Шенген визаси билан Россия фуқаролари учун чегараларни айрим истиснолар билан ёпишга қарор қилди.
• CNN ўз суриштирувида россиялик ҳарбийларнинг Оленивкадаги қамоқхонага зарба Украинага америкаликлар томонидан етказиб берилган HIMARS баравар ўт очиш реактив тизими орқали йўллангани ҳақидаги версиясини рад этди.
• МcDonald's Киев ва Украина ғарбида босқичма-босқич ресторанлар тармоғи очилиши ҳақида эълон қилди. 
• Запорижжя АЭСга яна зарба берилди. Россия ва Украина бу ҳужумда яна бир-бирини айблади.

Қуйида 11 август куни Украинанинг турли ҳудудларида олинган суратлар келтирилади.

Қрим

Қримнинг Новофедоровка посёлкаси ҳудудидаги 9 август куни портлашлар содир бўлган Саки аэродромининг 10 август кунги кўриниши. Журналистлар ва экспертлар тасвирларни таҳлил қилишган ва уни портлашдан олдин олинган фотосуратлар билан таққослашган. CNN баҳоларига кўра, аэродромда камида еттита самолёт яксон қилинган. BBC рус хизмати, The New York Times ва Америкадаги Урушларни тадқиқ қилиш институти (ISW) ёзишича, аэродромда камида саккизта самолёт ёниб кетган, украинларнинг «Схема» нашри ҳисобига кўра — тўққизта. РФ Мудофаа вазирлиги ҳодиса рўй бериши биланоқ ёнғин ўқ-дорилар детонацияси оқибатида рўй бергани ва аэродромдаги авиация техникаси шикастланмаганини маълум қилганди.

Донецк

Донбасс шимоли 

Харкив