ШҲТ саммити муносабати билан Самарқанддаги мактабларда дарслар 20 сентябрдан бошланиши мумкин
Ҳозирда ХТВ томонидан бир нечта вариантлар кўриб чиқилмоқда. Унга кўра дарслар 20 сентябргача онлайн ташкил этилади ёки саммит ўтказиладиган ҳафтада кечиктириб турилади.
Жорий йил 15-16 сентябр кунлари Самарқанд шаҳрида муҳим тадбир – Шанҳай ҳамкорлик ташкилотининг навбатдаги саммити бўлиб ўтади. Шу муносабат билан Самарқанд шаҳридаги барча умумаълим мактабларида дарслар 20 сентябрдан бошланиши мумкин.
Халқ таълими вазирлиги матбуот котиби Лайло Рустамованинг Kun.uz’га маълум қилишича Самарқанд вилояти ХТБ томонидан вазирликка Самарқанд шаҳридаги мактабларда ўқишларни кечроқ бошлашга розилик юзасидан хат юборилган. Ҳозирда вазирлик томонидан бир нечта вариантлар кўриб чиқилмоқда.
Уларга кўра, Самарқанд шаҳридаги мактабларда дарслар 20 сентябргача онлайн кўринишида ўтказилиши ҳам мумкин. Иккинчи вариантда, ўқув йили бошлангач 5-10 сентябр кунлари мактабларда дарслар ўтилиб, саммит бўлиб ўтадиган ҳафтада дарслар кечиктирилиб, кейин 19 ёки 20 сентябрдан давом эттирилади.
Аввалроқ, Самарқанд шаҳридаги олий таълим муассасаларида дарслар сентябр охиридан бошланиши маълум қилинганди.
Мавзуга оид
09:54
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
22:29 / 12.09.2024