1 сентябрдан оилавий нодавлат боғчаларда қатнаётган ижтимоий кўмакка муҳтож оилалар фарзандлари ва махсус контингентлар сони тарбияланувчилар сони 70 фоизидан кам бўлганда, етмаган қисмига бошқа оилалар болаларини қабул қилишга рухсат берилди.
![](https://storage.kun.uz/source/8/8ygIaS_ZWxH20FsQNFXIf3VNs__eCxQv.jpg)
Фото: Kun.uz
Шунингдек, тарбиячи ва тарбиячи-ёрдамчи лавозимлари учун 4,5 тагача штат бирлигини ажратишга рухсат этилади, тарбиячи ва тарбиячи-ёрдамчиларга бюджетдан иш ҳақини қоплаш учун субсидия тўғридан тўғри ушбу ходимлар пластик картасига ўтказиб берилади.
Давлат-хусусий шериклик асосида фаолият юритаётган боғчаларда, оилавий боғчаларда:
- бюджетдан тўланадиган субсидия ва компенсацияларни ҳисоблашда 3 ёш ва ундан катта ёшдаги, лекин 7 йил 8 ойдан катта бўлмаган ёшдаги тарбияланувчилар ҳисобга олинади;
- ота-оналар тўлови миқдорини мустақил равишда белгилаб 3 ёшга тўлмаган болаларни ҳам қабул қилишга рухсат этилади.