Қўшимча функционаллар
-
Тунги кўриниш
Эрдўған Туркиянинг ШҲТга аъзо бўлиши ҳақида фикр билдирди
Туркия президенти Ражаб Тоййиб Эрдўған мамлакатнинг Шанҳай ҳамкорлик ташкилотига аъзо бўлиши тўғрисида фикр билдирди.
Фото: Президент матбуот хизмати
"Биз "Шанҳай бешлиги" аъзоси эмасмиз. Биз бу ерга (Самарқандга) мезбон Ўзбекистоннинг таклифи билан махсус меҳмон сифатида келдик. Табиийки, жаноб Шавкат Мирзиёев билан алоҳида муносабатларга эгамиз. Ана шу муносабатлар туфайли у мени ва жаноб Илҳом Алиевни бу ерга махсус меҳмон сифатида таклиф қилди", деди у.
Туркия президенти жараён бўйича навбатдаги қадам қўйилишини айтди.
"Бу қадам Ҳиндистон мезбонлигида ўтадиган келгуси музокараларда кун тартибига қўйилиши мумкин. Аъзо бўлиш ёки бўлмаслик – булар бошқа-бошқа нарсалар, аммо айнан мана шу қадам орқали бу мамлакатлар билан муносабатларимиз мутлақо бошқа босқичга чиқади", - деди Эрдўған.
ШҲТга 2001 йилда асос солинган. Ҳиндистон, Қозоғистон, Хитой, Қирғизистон, Россия, Тожикистон, Покистон ва Ўзбекистон ташкилот аъзолари ҳисобланади. Афғонистон, Беларус, Эрон ва Мўғулистон - кузатувчи давлатлар, Озарбойжон, Арманистон, Камбожа, Непал, Туркия ва Шри-Ланка - ҳамкор давлатлар.
ШҲТнинг навбатдаги 22-саммити 15-16 сентябр кунлари Самарқанд шаҳрида ўтказилди.
Саммит доирасида Эроннинг ташкилотга аъзо бўлиш учун мажбуриятлари тўғрисидаги меморандум имзоланди. Шунингдек, Беларусни ҳам ШҲТ аъзолигига қабул қилиш жараёни расман бошланди.
Жами 44та ҳужжат имзоланди.
Самарқандда ШҲТ саммити
Мавзуга оид
08:51 / 30.01.2026
Анқарада “Ўзбекистон” турар жой мажмуаси очилди, Истанбулда ўзбек мактаби қурилишига старт берилди
23:10 / 29.01.2026
Ўзбекистон ва Туркия президентлари музокаралар натижаларини сарҳисоб қилди
22:34 / 29.01.2026
Ўзбекистон ва Туркия раҳбарлари Қўшма баёнот ҳамда ҳамкорлик механизмлари тўғрисидаги қарорни имзолади
20:57 / 29.01.2026