“ЛХР” жамоатчилик палатаси зудлик билан Россияга қўшилиш тўғрисида референдум ўтказиш таклифи билан чиқди

Ўзини ўзи мустақил деб эълон қилган Луганск халқ республикаси (“ЛХР”) жамоатчилик палатаси регион раҳбари Леонид Пасечникдан “ЛХР”ни Россия субъекти деб тан олиш тўғрисида зудлик билан референдум ўтказишни сўради.

Палата аъзоларининг ишонч билдиришича, регион аҳолиси Россияга қўшилиш тўғрисида референдум ўтказиш ташаббусини қўллаб-қувватлайди.

Палата томонидан референдум ўтказиш тўғрисида қарор қабул қилинди ва кўриб чиқиш учун “ЛХР” раҳбари ва халқ кенгашига юборилади.

Россия 22 феврал куни “Луганск халқ республикаси” мустақиллигини тан олганди.