Қўшимча функционаллар
-
Тунги кўриниш
Тошкент вилоятида муддати ўтган 445 минг дона дори муомалага киритилиши олди олинди
Янгийўл туманида яроқлилик муддати ўтган дори воситалари муомалага киритилиши олди олинди. Бу ҳақда Иқтисодий жиноятларга қарши курашиш департаменти хабар бермоқда.
Фото: Иқтисодий жиноятларга қарши курашиш департаменти
Бош прокуратура ҳузуридаги департамент Янгийўл туман бўлими томонидан ДХХ, ИИБ ва ДСИ ходимлари билан ҳамкорликда тезкор тадбир ўтказилган.
Унда, фуқаро О.Д. ва бошқалар яшаш хонадонида хорижда ишлаб чиқарилган, муддати ўтган сифатсиз дори воситаларини яроқлилик муддатларини ўзгартириб сотиш билан шуғулланиб келгани аниқланиб, ушбу хонадондан 34 турдаги жами 445 минг дона дори воситалари ва бошқа ускуналар ашёвий далил сифатида олиб қўйилган.
Мазкур ҳолат юзасидан Жиноят кодекси 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини дорихоналардан ва улар филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга оид
09:22 / 18.12.2025
Тошкент туманида 38 млрд сўмлик дори омбори фош этилди
14:40 / 17.12.2025
Рецептли дориларни онлайн аниқлаш хизмати ишга тушди
22:08 / 13.12.2025
Андижон ва Самарқандда кучли таъсир қилувчи дорилар савдоси билан шуғулланган шахслар ушланди
17:06 / 13.12.2025