Туркия ва Греция ўртасидаги муносабатлар 23 август куни Туркия самолётлари Эгей денгизи устида Грециянинг С-300 ҳаво ҳужумидан мудофаа тизимлари нишонига олинганидан сўнг кескинлашди.
Греция бош вазири Кириакос Мицотакис ушбу ҳафтада Прагада Туркия президенти Ражаб Тоййиб Эрдўған билан учрашишга тайёр. Бу ҳақда Kathimerini нашри ҳукумат расмий вакили Иоаннис Икономга таяниб хабар берди.
"Агарда ўз баёнотлари билан кескинликни кучайтирган Туркия президенти Греция бош вазири билан учрашадиган бўлса, Греция томони бунга ижобий жавоб қайтаради", - дея Икономнинг сўзларидан иқтибос келтирган нашр.
Туркия ва Греция ўртасидаги муносабатлар 23 август куни Туркия самолётлари Эгей денгизи устида Грециянинг С-300 ҳаво ҳужумидан мудофаа тизимлари нишонига олинганидан сўнг кескинлашди.
Туркия ҳукумати ҳарбий самолётлари Греция томонидан таъқиб қилиниши масаласини НАТО даражасида кўтариб чиқишини маълум қилди.
Сентябр бошларида Эрдўған Грецияни тарихдан сабоқ олишга чақирганди.
