Байден кейинги президентлик сайловларида ҳам қатнашиши расман тасдиқланди
Жо Байден 2024 йилги президентлик сайловларида ҳам номзод сифатида иштирок этади. Бу ҳақда Оқ уй матбуот котиби Карин Жан-Пер маълум қилди.
«Президентнинг ўзи бу ҳақида айтди. У 2024 йилда президентликка номзодини қўйиш ниятида», - деди Жан-Пер.
NBC News хабарига кўра, Байден яширинча сайловга тайёргарлик кўришни бошлаган. Унинг жамоаси 2024 йилда долзарб бўлиши кутилаётган масалаларни ишлаб чиқиш учун оралиқ сайловлардан фойдаланишни режалаштирмоқда.
Маълумот учун, 79 ёшли Жо Байден 2020 йилнинг кузида ўтказилган сайловларда ғолиб чиққанди. У Қўшма Штатлари тарихидаги энг кекса президент ҳисобланади.
Апрел ойида The Hill нашри Байден 2024 йилги сайловларда иштирок этиш нияти борлиги ҳақида хабар берганди. Нашр манбасига кўра, у бу масалани собиқ президент Барак Обама билан муҳокама қилган.
Аввалроқ, АҚШ президенти сайловларга чет эл аралашуви таҳдиди ёки аҳолининг сайловларга ишончини сусайтириши сабабли жорий этилган миллий фавқулодда ҳолат режимини бир йилга узайтиргани маълум қилинганди.
Мавзуга оид
18:05 / 04.10.2024
АҚШда «Ҳелен» тўфони қурбонлари сони 200 дан ошди. Президент ва номзодлар жабрланган ҳудудларга бормоқда
10:00 / 04.10.2024
Жо Байден ГФРда Германиянинг олий ордени билан мукофотланади
09:30 / 02.10.2024
FT: Байден Украинанинг НАТОга аризаси мақомини ошириши мумкин
17:43 / 27.09.2024