Шимолий Корея Япон денгизи томонга баллистик ракета учиргани тахмин қилинмоқда.
Фото: Yonhap
Бу ҳақда Жанубий Корея ҳарбийларига таяниб, Ёнҳап ахборот агентлиги хабар берди. Аммо ракетанинг қандай экани номаълумлиги қайд этилди.
«Шимолий Корея Япония денгизи томон номаълум баллистик ракетани учирди», — дейилади агентлик баёнотида. Бу сўнгги икки ҳафта ичида еттинчи марта юз берган.
Ракета учирилишига Япония ҳам эътибор қаратди. Мамлакат қирғоқ хавфсизлиги хизмати маълумотларига кўра, ракета маҳаллий вақт билан шанбадан якшанбага ўтар кечаси учирилган. Хизмат вакиллари минтақадаги кемаларни ракета қолдиқлари топилган тақдирда зудлик билан расмийларга мурожаат қилишга чақирди.
Мамлакат қирғоқ хавфсизлиги хизмати ракетанинг аллақачон қулаб тушганини қайд қилган. Бироқ, унинг қулаб тушган жойи номаълум.
