Ўзбекистон ва Хитой «Ипак йўли» туризм брендини биргаликда илгари суради

Октябрь ойи охирида Хитой йирик импорт қилувчи ассоциациялари, ишбилармон доиралари ва импорт қилишдан манфаатдор корхоналар вакиллари учун Ўзбекистоннинг Хитой бозорига экспорт қилинадиган мева-сабзавот маҳсулотлари тақдимотини ўтказиш бўйича келишувга эришилди.

Гуанчжоу шаҳрида Ўзбекистон ишлаб чиқарувчилари, экспортчилари ва ҳунармандларининг маҳсулотлари шоу-румини очиш масалаларига алоҳида эътибор қаратилди.

Томонлар, Ўзбекистон ва Хитой ишбилармон доиралари вакиллари иштирокида бизнес-форум ўтказиш, янги қўшма лойиҳаларни амалга ошириш ва мамлакатда яратилган сармоявий имкониятлар билан яқиндан танишиш мақсадида келгуси йил бошида хитойлик ишбилармонларнинг Ўзбекистонга сафарини ташкил этишга бўйича келишиб олди.

Туризм индустриясини ривожлантириш соҳасида ўзаро ҳамкорлик йўллари ҳам муҳокама қилинди. Сайёҳлик соҳасидаги ҳамкорликни фаоллаштириш, «Ипак йўли» туризм брендини биргаликда ривожлантириш ва илгари суриш таклиф этилди. Ўзбекистоннинг сайёҳлик салоҳияти, Самарқандда бу борада амалга оширилаётган ислоҳотлар ҳақида маълумот берилди.