Экологик назорат жамоатчи инспектори фаолияти йўлга қўйилади

Вазирлар Маҳкамасининг “Экологик назорат жамоатчи инспектори тўғрисидаги низомни тасдиқлаш ҳақида”ги қарори лойиҳаси эълон қилинди.

Қарор лойиҳасида экологик назорат жамоатчи инспекторлари фаолиятини тартибга солишда қуйидагилар назарда тутилган:

• жамоатчи инспекторликка номзодларни шакллантириш;
• жамоатчи инспекторлари фаолияти асосий йўналишлари;
• жамоатчи инспекторларга гувоҳномалар бериш;
• жамоатчи инспекторларни рағбатлантириш;
• жамоатчи инспекторлар ҳуқуқлари, мажбуриятлари ва жавобгарликларини назарда тутувчи Экологик аудиторлик ташкилотлари реестрини юритиш тартиби тўғрисидаги низомни тасдиқлаш.

Таклиф этилаётган қарор лойиҳасида экологик назорат жамоатчи инспектори тўғрисидаги низомни тасдиқлаш кўзда тутилаётгани муносабати билан айрим ҳужжатларга ўзгартириш ва қўшимчалар киритиш, шунингдек, баъзиларини ўз кучини йўқотган деб топиш назарда тутилмоқда.

Қарор қабул қилиниши натижасида экологик назорат жамоатчи инспекторларига:

• Давлат экология қўмитаси томонидан юритиладиган “Яшил макон” ва бошқа платформалардан фойдаланиш имкониятини яратиш ҳамда уларни соҳада амалга оширилаётган ишлар кўлами ва натижалари тўғрисида мунтазам хабардор қилиб бориш;
• экологик назорат жамоатчи инспекторларига тегишли ҳудудда атроф-муҳитга таъсир кўрсатиш I-IV тоифаларига мансуб фаолият турлари билан шуғулланувчи объектларда белгиланган тартибда олиб бориладиган экологик назорат тадбирларида иштирок этиш ҳуқуқини беради.