Зеленский: Каховска ГЭСни портлатиш оммавий қирғин қуролидан фойдаланиш билан баробар

Агар ГЭС йўқ қилинса, бу оммавий қирғин қуролини қўллаш билан баробар бўлади, дея таъкидлаб ўтди у.

«Тўғоннинг портлатилиши кенг кўламли фалокатни англатади. Бундай теракт билан Россия ҳатто Днипро сувини Қримга етказиб бериш имкониятини ҳам йўқ қилиши мумкин. Каховска ГЭС тўғони бузилса, унда Шимолий Қрим канали ҳам шунчаки йўқ бўлиб кетади», — деди Зеленский. 

Украина президенти жаҳон ҳамжамиятини Россиянинг янги терактининг олдини олишга чақирди.

Бундан олдин Урушни ўрганиш бўйича Америка институти (ISW) Россия қўшинлари Днипронинг ўнг қирғоғидан россиялик ҳарбийларнинг олиб чиқиб кетилишини яшириш ва Украина қўшинларининг ушбу дарёдан ўтиши олдини олиш ёки кечиктириш учун Каховска ГЭСга сохта байроқ остида ҳужум қилишга ахборот майдонини тайёрлаётгани тўғрисида хабар берган эди. 

Америкалик таҳлилчилар 18 октябр куни Украинадаги Россия кучлари қўмондони Сергей Суровикиннинг Киевнинг Херсон областида ҳалокатли сув тошқинига олиб келадиган Каховска ГЭС тўғонига зарба бериш нияти ҳақида олинган маълумот тўғрисидаги баёнотини эслатди.

Украинанинг ушбу области оккупацион маъмурияти раҳбари Володимир Сальдо бу баёнотни қўллаб-қувватлади ва Россия кучларини Херсондан юқори оқимда жойлашган тўғонларга зарба беришни режалаштираётганликда айблади. 

ISW маълумотларига кўра, Кремл Россия Қуролли кучларининг учинчи шармандали чекиниши ҳақидаги хабарларни яшириш учун бундай ҳаракатлардан фойдаланиши мумкин.