Ўзбекистон ташқи ишлар вазири Владимир Норов Самарқанд шаҳрида «Европа Иттифоқи ва Марказий Осиё ўзаро боғлиқлиги: барқарор ривожланиш учун Глобал дарвоза» халқаро конференцияси доирасида Қозоғистон бош вазири ўринбосари - ташқи ишлар вазири Мухтор Тлеуберди билан учрашув ўтказди, деб хабар бермоқда «Дунё».
Таъкидланганидек, икки мамлакат раҳбарлари шахсий алоқалари, ишончли мулоқоти ва қатъий сиёсий иродаси туфайли Ўзбекистон ва Қозоғистон ўртасидаги ҳамкорлик сифат жиҳатидан янги босқичга кўтарилди. Ўзбекистон-Қозоғистон яхши қўшничилик, стратегик шериклик ва иттифоқчилик муносабатларини янада мустаҳкамлаш истиқболлари юзасидан фикр алмашилди.
Турли даражадаги бўлажак тадбирлар ташкилий ва мазмунли жиҳатлари кўриб чиқилади. Савдо, автомобилсозлик, энергетика, транспорт ва логистика, қишлоқ хўжалиги ва бошқа соҳаларда қўшма лойиҳаларни амалга оширишни жадаллаштириш муҳимлиги таъкидланди.
Маданий-гуманитар алмашинувларни фаоллаштириш, Қозоғистонда Ўзбекистон маданияти кунлари ва файласуф Абай (Кунанбаев) меросига бағишланган тадбирларга тайёргарлик кўриш масалалари муҳокама қилинди.
