Хитойда қуёшни кузатиш учун мўлжалланган дунёдаги энг йирик радиотелескоп қурилди

У диаметри 6 метрга тенг 313 та антеннадан иборат.

Фото: VCG/VCG via Getty Images

Хитойда қуёшни кузатиш учун мўлжалланган дунёдаги энг йирик DSRT радиотелескопи қурилиши якунланди.

Телескоп Хитой жануби-ғарбидаги Сичуан провинцияси платосида жойлашган. У ҳар бирининг диаметри 6 метр бўлган 313 та антеннадан иборат. Қурилманинг умумий майдони 1 км.

Радиотелескопнинг асосий калибрлаш антеннаси айлананинг марказидаги минора тепасига ўрнатилган. Унда осмон жисмлари 150-450 мегагерц частотаси билан назорат қилинади.

Телескоп қуёшдаги чақнашлар ва радиацияни кузатиш учун мўлжалланган. Бу ўз навбатида, коинотдаги об-ҳаво ўзгаришини аниқлаш имконини беради ва ерга яқин радиусда учадиган қурилмаларнинг ишдан чиқиши эҳтимолини камайтиради.

DSRT қурилиши 2021 йилда бошланган эди. Унинг антенналарини ўрнатиш шу йилнинг ноябр ойида якунланди. Энг йирик телескоп билан илмий тадқиқотлар келаси йилнинг ёзида бошланади. Кузатишлар натижасида олинган маълумотлар жамоатчиликка тақдим этилиши ваъда қилинмоқда.