Рим папаси: Украинадаги уруш тез орада тугамайди

Рим католик черкови раҳбари Франциск Испаниянинг ABC газетасига интервью берди. Унда у уруш тез орада тугамаслиги ҳақида айтиб ўтди.

Фото: Reuters

«Украинадаги урушнинг яқин келажакда тугашини кутмаяпман, чунки бу - глобал уруш», — деди Рим католик черкови раҳбари Франциск.

Унинг таъкидлашича, «кўплаб одамлар урушда қатнашишга алоқадордир».

«Уруш империя заифлаша бошлаганда олиб борилади. Қўллаш, синовдан ўтказиш ва сотиш керак бўлган қуроллар мавжуд бўлганда ҳам», - дея қўшимча қилди понтифик.

Бундан олдин Рим папаси Франциск Россия ва Украина ўртасидаги музокараларда воситачилик қилишга тайёрлиги маълум қилинганди. Бу ҳақда Италиянинг La Stampa газетаси хабар берди.

Унинг маълумотларига кўра, Ватикан ўз ҳудудини тегишли музокараларни ўтказиш учун нейтрал жой сифатида таклиф қиляпти.

Бундай ташаббусга тайёрлик Франция президенти Эммануэл Макроннинг 24 октябр куни Ватиканда Франциск билан учрашувидан сўнг маълум қилинди.