Зарбага тайёрланаётган бахмутликлар, жангчиларни қутқараётган шифокорлар. Уруш суратлари

Украинада урушнинг 306-куни ўтди. Асосий маълумотлар:

Украина ТИВ Россия БМТ Хавфсизлик кенгаши аъзолигидан чиқарилиши ташаббуси билан чиқмоқчи. БМТ уставида ҳамон Россия ташкилот ХК аъзоси сифатида кўрсатилмаган - бунинг ўрнига СССР номи келтирилган.

Саратов областидаги Энгелс аэродромида украинлар дрони уриб туширилди. РФ мудофаа вазирлиги уч нафар ҳарбий хизматчи ҳалок бўлганини тасдиқлаган. Бу бир ой ичида ушбу авиабазага уюштирилган иккинчи дронлар ҳужумидир. Украина президенти офиси раҳбари маслаҳатчиси Алексей Арестовичнинг айтишича, Украина қуролли кучлари Энгелс аэродромига зарба бериш орқали россиялик ҳарбийларнинг 26 декабр куни Украина инфратузилмаларини ўққа тутиш режасини чиппакка чиқарган.

Давлат думаси хорижга кетган россияликлар ўзини ўзи иш билан банд қилган фуқаро сифатида кам солиқ тўлашини тақиқловчи қонун лойиҳасини ишлаб чиқди. Депутатлар шунингдек, хорижга кетган тадбиркорлар учун ҳам солиқларни оширмоқчи.

Путин Медведевни РФ ҳарбий-саноат комиссияси раисининг биринчи ўринбосари лавозимига тайинлади. Ушбу лавозим РФ Хавфсизлик кенгаши раиси ўринбосари учун махсус ташкил этилган.

Россияда Bellingcat раҳбари, болгариялик журналист-суриштирувчи Христо Грозевга нисбатан Россия армиясини обрўсизлантирувчи фейклар тарқатиш ҳолати бўйича жиноий иш очилди. Россия ИИВ уни қидирувга берди.

Украинада тинч аҳолини ўлдирганини тан олган россиялик ҳарбий Даниил Фролкин Россия армияси тўғрисида «фейк» маълумот тарқатишда айбланди.

Бахмутда отишмаларга тайёрланишмоқда

Бахмутдаги ҳарбий ҳоспитал

Сўнгги ойларда Бахмут атрофида шиддатли жанглар кечмоқда ва кўплаб ҳарбийлар яраланмоқда. Қуйида шифокорлар уларга қандай ёрдам кўрсатаётгани акс этган суратлар.

Бахмут атрофидаги украин артиллериячилари

Херсон атрофидаги қишлоқлар аҳолиси ҳаёти