Украина: Бахмутнинг 60 фоиздан кўпроғи вайрон бўлган

Унинг сўзларига кўра, 4 январь куни Бахмутнинг артиллериядан ўққа тутилиши оқибатида икки аёл киши ҳалок бўлган. 

«Душман шаҳарга киришга қанча уринмасин, у олдинга силжимайди. У нима бўлмасин, аввалги позицияларига, яъни шаҳар ташқарисига чиқариб ташланди. Аслида улар ҳозир текис ҳамда бўшаб қолган ҳудудда. Бу ҳақда шахсий таркиб орасида катта йўқотишларга сабаб бўлмоқда», деди Кириленко умуммиллий телемарафон эфирида.

Америка урушни ўрганиш институтининг (Institute for the study of war, ISW) янги хулосасига кўра, Россия армияси Донецк вилоятининг Бахмут ҳудудида ҳужум суръатини сақлаб қолиши қийин бўлиши мумкин. 

Мутахассисларнинг таъкидлашича, Россия кучларининг имкониятларига Британия Мудофаа вазирлиги таърифлаган ўқ-дорилар тақчиллиги ҳам, сўнгги ҳафталарда «Вагнер» хусусий ҳарбий компаниясининг катта йўқотишлари ҳам таъсир қилиши мумкин. 

Россиянинг Бахмутга давом этаётган ва ресурс талаб қиладиган босими Россиянинг Донбасс ҳарбий ҳаракатлар театрида узоқ муддатли мақсадларга эришиш қобилиятига путур етказиши мумкин, дейди таҳлилчилар.

Уларнинг таъкидлашича, баҳор ва ёзда рус қўшинлари Северодонецк ва Лисичанскни эгаллаш учун катта ресурс сарфлаган.