Ўзбекистонга мобил телефонлар импорти камайди

Ўзбекистонга 2022 йилнинг январь-декабрь ойларида хориждан қиймати 199 млн AҚШ долларига тенг бўлган 2,9 млн дона мобил телефон импорт қилинган.

Статистика агентлиги дастлабки маълумотларига кўра, Ўзбекистонга мобил телефонлар импорти 2021 йилнинг мос даврига нисбатан 73,8 мингтага камайган.

Ўзбекистон 2022 йил мобайнида мобил телефонларни энг кўп импорт қилган давлатлар орасида Хитой етакчилик қиляпти - 2,2 млн дона.

Ушбу кўрсаткич қолган давлатлар кесимида қуйидагича кўриниш олди:

— БАА – 247,5 минг  дона; 
— Вьетнам – 217,9 минг дона;
— Ҳиндистон – 185,5 минг дона.