Ўзбекистон автобус ва микроавтобус импортини деярли уч баробарга оширди

Миллий статистика қўмитаси маълумотларига кўра, жорий йилнинг дастлабки 10 ойида 9 та хорижий давлатдан қиймати қарийб 126,6 млн АҚШ долларига тенг бўлган жами 1 491 дона автобус ва микроавтобуслар импорт қилинган.

Бу кўрсаткич 2024 йилнинг шу даврига нисбатан 974 донага кўп бўлиб, импорт ҳажми 2,9 баробарга ошгани қайд этилган.

2025 йил январ–октябр ойларида Ўзбекистонга энг кўп автобус ва микроавтобус етказиб берган давлатлар қуйидагича бўлди:

• Хитой – 1 354 дона;
• Россия – 87 дона;
• БАА – 22 дона;
• Германия – 8 дона;
• бошқа давлатлар – 20 дона.

Импорт ҳажмининг бундай суръатда ўсиши республикада жамоат транспорти паркларини янгилаш ва кенгайтириш ишлари фаол давом этаётганини кўрсатмоқда.