Ўзбекистон меҳмондўстлик рейтингида юқори ўринлардан бирини эгаллади

Ўзбекистонга 139 давлат фуқаролари визасиз ёки етиб келганидан кейин бериладиган виза билан қабул қилинади.

Дунё давлатларининг 2023 йилги меҳмондўстлик рейтингида (Welcoming Countries Rank-2023) Ўзбекистон 26-ўринни эгаллади. Рейтинг Канаданинг Arton Capital компанияси таҳлилчилари томонидан тузилган.

Мутахассислар уни тузишда маълум бир давлат қанча мамлакат фуқароларини визасиз ёки келгандан кейин бериладиган виза билан қабул қилишини ҳисоблаб чиққан.

Ўзбекистон дунё рейтингида 26-ўринда қайд этилган: 139 давлат фуқаролари визасиз ёки етиб келганидан кейин бериладиган виза билан қабул қилинади.

Бу кўрсаткич бўйича Тожикистон 49-ўринда (87 давлат), Қирғизистон 53-ўринда (80 та давлат), Қозоғистон 54-ўринда (77 давлат), Россия 62-ўринда (63 мамлакат).

Биринчи ўринни 20 дан ортиқ мамлакатлар эгаллади, жумладан Тувалу, Жанубий Судан, Сомали, Боливия, Ангола, Малдив ороллари, Кот-д’Ивуар, Камбожа, Нигерия ва бошқалар. Уларнинг ҳар бирига 198 давлат фуқаролари визаси кириши ёки етиб келганида виза олиш орқали кириши мумкин.

Анъанага кўра, рейтингнинг сўнгги поғонасини Шимолий Корея, Туркманистон ва Афғонистон эгаллаган. Бу мамлакатларнинг барчаси 0 баллга эга.