Мирзиёев ва Тўқаев нега Чимкентда учрашгани айтилди
3 март куни Чимкентда Қозоғистон ва Ўзбекистон президентларининг норасмий учрашуви бўлиб ўтган эди.
Қозоғистон ТИВ матбуот котиби Ойбек Смадияров президент Қосим-Жўмарт Тўқаев ва Ўзбекистон президенти Шавкат Мирзиёевнинг учрашуви нима учун Чимкентда бўлиб ўтганини тушунтирди.
Унинг сўзларига кўра, Чимкентдаги норасмий учрашувнинг сабабларидан бири шаҳарнинг Ўзбекистон чегарасига яқин жойлашгани.
«Ўзбекистон энг яқин ҳамкорларимиздан бири ва давлат раҳбарлари Чимкентда учрашишга қарор қилишди. Чунки бу бир миллион аҳолига эга жуда катта шаҳар, Ўзбекистон билан чегарада жойлашган. Бизда савдо фаол ривожланмоқда, транзит салоҳияти ҳам мавжуд. Шунинг учун Қозоғистоннинг бошқа шаҳрида эмас, балки Чимкентда учрашув ўтказилиши мантиқан тўғри», деб Смадияров сўзларини келтирди Tengrinews.
Эслатиб ўтамиз, 3 март куни Чимкентда Қозоғистон ва Ўзбекистон президентларининг норасмий учрашуви бўлиб ўтган эди.
Қозоғистон ва Ўзбекистон раҳбарлари ўзаро ишонч, дўстлик ва яхши қўшничилик руҳида ўтган учрашувда икки давлат ўртасидаги иттифоқчилик муносабатларининг бугунги ҳолати ва мустаҳкамлаш истиқболларини атрофлича муҳокама қилдилар.
Шунингдек, томонлар Қосим-Жўмарт Тўқаевнинг 2022 йил декабр ойида Тошкентга давлат ташрифи якунлари бўйича эришилган келишувларни амалга ошириш жараёнини муҳокама қилдилар.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
16:18 / 02.09.2024
Қозоғистон президенти мамлакат халқига мурожаатнома йўллади
17:28 / 15.08.2024