Саудия Арабистонида Эрон элчихонаси қайта очилди

Дипломатик муносабатлар 2016 йилда бузилган эди.

Фото: Ahmet Bolat/Anadolu Agency/Getty Images

Эрон Саудия Арабистонидаги ўз элчихонаси фаолиятини тиклади. Бу ҳақда Interfax хабар берди.

Теҳрон Ар-Риёдда муваққат ишлар вакили даражасида фаолият олиб боради, чунки Эрон ҳали Саудия Арабистонига элчи тайинламаган.

Аввалроқ Теҳрон ҳам Саудия Арабистонининг Эрондаги элчихонаси ишини 9 майгача қайта бошлашини кутаётгани хабар қилинганди.

Эрон ва Саудия Арабистони ўртасидаги муносабатлар 2016 йилда сезиларли даражада ёмонлашди. Бунга Саудия монархиясини танқид қилган нуфузли шиа илоҳиётчисининг Ар-Риёдда қатл этилиши сабаб бўлган.

Шундан сўнг Теҳронда намойишчилар Саудия Арабистони элчихонасига ҳужум қилишди, бунга жавобан Ар-Риёд Теҳрон билан дипломатик алоқаларни узган эди.

2023 йил март ойида Хитой воситачилигида Эрон ва Саудия Арабистони дипломатик муносабатларни тиклашга келишиб олди.

#Саудия Арабистони #Эрон #дипломатия