«Марказий Осиё – Хитой» иккинчи саммити Қозоғистонда бўлиб ўтади

Марказий Осиё давлатлари ва Хитой етакчилари ҳар икки йилда бир марта ушбу форматда учрашув ўтказишга келишиб олди.

Фото: Қозоғистон Президенти матбуот хизмати

Кейинги «Марказий Осиё – Хитой» саммити 2025 йилда Қозоғистонда бўлиб ўтади. Бу ҳақда Хитой раҳбари Си Жинпинг маълум қилди.

«Кейинги саммит 2025 йилда Қозоғистонда бўлиб ўтади», деди у.

Қайд этилишича, Марказий Осиё давлатлари ва Хитой етакчилари ҳар икки йилда бир марта ушбу форматда учрашув ўтказишга келишиб олган.

Эслатиб ўтамиз, 18 май куни Хитойнинг Сиан шаҳрида биринчи «Марказий Осиё – Хитой» саммити бошланди. Унда Туркманистон, Қозоғистон, Қирғизистон, Тожикистон ва Ўзбекистон раҳбарлари иштирок этяпти.