Саудия Reuters, Bloomberg ва WSJ журналистларининг ОПEК+ йиғилишида қатнашишини тақиқлади - FT

Саудия Арабистони Reuters, Bloomberg ва WSJ журналистларининг 4 июнь куни ОПEКнинг Венадаги штаб-квартирасида бўлиб ўтадиган ОПEК+ йиғилишида иштирок этишини тақиқлаш ташаббуси билан чиқди, деб хабар берди FT. Ушбу нашрларнинг журналистлари тадбирга таклиф этилмади, FT ва бир қатор нашрлар ходимларига йилнинг иккинчи ярмида нефть қазиб олиш сиёсати келишиб олинадиган йиғилишни ёритишга рухсат берилди.

Фото: Reuters

Нефть экспорт қилувчи мамлакатлар ташкилоти (ОПEК) 4 июнь куни бўлиб ўтган ОПEК+ йиғилиши чоғида Reuters, Bloomberg ва The Wall Street Journal (WSJ) журналистларига Венада ўз қароргоҳига ташриф буюришни тақиқлади, деб хабар берди Financial Times (FT) вазиятдан хабардор манбаларга таяниб. Улар тақиқ Саудия Арабистони ташаббуси эканини айтишди.

Учрашувга таклиф этилмаган нашрлардан бирининг суҳбатдоши тақиқни тасдиқлади - WSJ, Reuters ва Bloomberg журналистлари шу ҳафта охирида Венада бўлиб ўтадиган ОПEК+ йиғилишига қўйилмайди. ОПEК+ давлатлари 4 июнь куни 2023 йилнинг иккинчи ярми учун нефть қазиб олиш сиёсатини келишиб олишади. FT’нинг ўзи ва бир қатор бошқа нашрлар якшанба кунги йиғилишга таклифнома олдилар.

Газета журналистларни ОПEК+ йиғилишига киритмаслик қарори сабабларини аниқлай олмади. Аммо FT таъкидлашича, тақиқ нефть нархининг ўзгаришига олиб келадиган учрашув бошланишидан олдин унинг натижалари ҳақидаги янгиликлар олдини олиш учун мўлжалланган. Саудия Арабистони энергетика вазири Абдулазиз бин Салмон Ол Сауд 23 май куни Қатар иқтисодий форумида нефть спекуляторларини «эҳтиёт бўлишга» чақирди.

Дунёнинг энг йирик нефть экспортчиси Саудия Арабистони ва бошқа ОПEК+ аъзолари апрель ойида кутилмаганда нефть нархи ошишига сабаб бўлган ишлаб чиқаришни ихтиёрий равишда қисқартиришларини эълон қилди. Бунгача нефть нархи банк секторидаги инқироз энергия талабига салбий таъсир кўрсатиши мумкинлигидан хавотирлар фонида тушаётган эди. ОПEК+ ҳаракатлари туфайли спекуляторлар кейинчалик йўқотишларга дуч келишди.