Украинлар юришидан илк кадрлар ва сувсизланган сув омбори. Уруш суратлари

Украинадаги урушнинг 473-куни ўтди. Асосий маълумотлар:

Кўнгиллилар маълум қилишича, Россия сув босган Голая Пристан шаҳрини карантинга ёпган.
Россиялик ҳарбийлар Херсон областида тинч аҳоли Днипронинг РФ кучлари назоратидаги сўл соҳилидан эвакуация бўлаётган қайиқларни ўққа тутди. Уч киши ҳалок бўлиб, 20 дан ортиқ киши яраланган.
Украин ҳарбийлари Донецк областининг Блаҳодатне ва Макаровка қишлоқлари озод этилгани ҳақида хабар берди. Шунингдек, Украина қуролли кучлари Запорижжя областида Лобкове қишлоғини ҳам эгаллагани айтилмоқда.
Шойгу Украинадаги фронтда бўлган барча кўнгилли отрядлар 1 июлга қадар Мудофаа вазирлиги билан шартномалар тузиши керак бўлган буйруқни имзолади. Пригожин «Вагнер» ХҲК бундай қилмаслигини маълум қилди.
Буюк Британия мудофаа вазирлиги Россия Бахмутни эгаллашда ҳар 48 сантиметр учун бир аскарни қурбон қилгани ҳақида хабар берди.
БМТ Каховка ГЭС тўғони бузилиши оқибатида 700 мингга яқин киши ичимлик сув таъминотидан маҳрум бўлгани ҳақида маълум қилди.
Псков областида мудофаа ва хавфсизликни таъминлашга кўмаклашувчи отрядлар тузилиши эълон қилинди. Улар фавқулодда вазиятлар рўй берганида кучишлатар тузилмаларга ёрдам бериши кўзда тутилган.