Байден Россиядаги қуролли исёнга АҚШ ва НАТО алоқадор эмаслигини айтди

Исённинг Украинадаги урушга таъсирини баҳолашга эса «ҳали эрта».

Фото: AP

АҚШ президенти Жо Байден Қўшма Штатлар ва НАТО Россияда «Вагнер» ёлланма жангчиларининг қуролли исёнига алоқадор эмаслигини айтди. Унинг сўзларига кўра, исённинг Украинадаги урушга таъсирини баҳолашга «ҳали эрта».

Байденнинг айтишича, у дам олиш кунлари иттифоқчилари билан видеомулоқот қилган. Улар Россия президенти Владимир Путинда исёнда «НАТО ёки Ғарбни айблаш учун асос бўлмаслигини» таъминлаш мақсадида ҳамжиҳатликда ишламоқда.

«Биз бунга алоқадор эмаслигимизни аниқ айтдик. Бизнинг бунга ҳеч қандай алоқамиз йўқ эди. Бу Россия режими ичидаги курашнинг бир қисми эди», дед Байден.

АҚШ президенти шунингдек, дам олиш кунлари Украина президенти Володимир Зеленский билан вазият ҳақида гаплашиб олганини маълум қилди.