Ўзбекистон Ташқи ишлар вазирлиги 2023 йил биринчи ярим йиллик давридаги фаолияти бўйича маълумот берди.
Қайд қилинишича, шу давр ичида 107 мингдан ортиқ Ўзбекистон фуқаросига консуллик хизмати кўрсатилган. 3 мингга яқин фуқарога чет элда иш билан таъминланишга кўмак берилган. 10 мингдан ортиқ фуқарога моддий ёрдам кўрсатилган.
Чет элда қийин вазиятларда қолган, жумладан, одам савдоси қурбони бўлган ёки ишсиз, боқувчисиз қолган ва бошқа мураккаб аҳволдаги 523 нафар фуқаро Ўзбекистонга қайтарилган, 113 нафари вақтинча сақлаш муассасаларидан олиб чиқилган.
Паспорти иш берувчилар томонидан ноқонуний тарзда олиб қўйилган 133 нафар фуқарога шахсини тасдиқловчи ҳужжатлар олиб берилган.
Ўтган олти ой мобайнида 60 мингдан ортиқ чет эл фуқаросига Ўзбекистонга кириш визаси берилган, шундан 32 мингдан ортиғи электрон тарзда расмийлаштирилган.
